ܚܘܪܙܐ ܡܒܣܡܢܐ ܕܫܘܬܦܘܬܐ ܕܡܪܬܝ ܡܪܝܡ ܝܡܐ ܕܪ̈ܚܡܐ ܕܡܪ̈ܬܐ ܕܥܘܡܪܐ ܕܩܬܘܠܝܩܝ̈ܐ ܕܐܘܪܡܝ .

ܒܝܘܡܐ ܕܚܕܒܫܒܐ 19 ܒܬܡܘܙ ܫܘܬܦܘܬܐ ܕܡܪܬܝ ܡܪܝܡ ܝܡܐ ܕܪ̈ܚܡܐ ܕܡܪ̈ܬܐ ܕܥܘܡܪܐ ܕܩܬܘܠܝܩܝ̈ܐ ܕܐܘܪܡܝ ܐܝܟ ܥܝܕܐ ܕܟܠ ܫܢܬܐ ، ܒܦܪܩܬܐ ܕܫܢܬܐ ܥܒܘܕܬܐ ܘܫܠܝܬܐ ܡܢ ܫܘܓܠܐ ܩܐ ܡܬܚܐ ܕܩܝܛܐ ، ܡܘܪܝܙܬܐ ܝܗܘܐ ܚܕ ܚܘܪܙܐ ܪܒܐ ܫܦܝܪܐ ܘܡܚܕܝܢܐ ܒܐܘܢܐ ܫܦܝܪܐ ܕܥܕܬܐ ܕܩܬܘܠܝܩܝ̈ܐ ܕܐܘܪܡܝ .

ܐܗܐ ܫܘܬܦܘܬܐ ܩܐ ܚܕ̄ ܡܬܚܐ ܕܫܢܬܐ ܕܦܠܚܢܐ ܡܘܚܙܝܠܗ̇ ܠܫܘ̈ܓܠܢܐ ܫܦܝܪ̈ܐ ܕܦܠܚܠܗ̇ ܐܝܟ ܙܩܘܪ̈ܐ  ܘܠܩ̈ܛܐ ܘܟܠܝ̈ ܗܕܡܝ̈ܬܐ ܦܠܚܠܘܢ ܘܟ̮ܘܠܫܠܘܢ ܕܡܩܪܒ̣ܝ ܚܕ ܫܘܓܠܐ ܫܦܝܪܐ ܕܐܝܕܐ. ܐܗܐ ܚܘܙܪܐ ܝܗܘܐ ܒܫܘܬܦܬܐ ܕܚܣܝܘܬܗ ܡܪܝ ܬܐܘܡܐ ܡܝܛܪܦܘܠܝܛܐ ܕܡܪܥܝܬܐ ܥܡ ܩܫܝܫܐ ܝܘܚܢܢ ܥܡ ܬܪܝܢ ܗܕܡ̈ܐ ܕܡܘܬܒܐ ܕܥܕܬܐ ܡܝܩܪܐ ܣܪܓܝܤ ܡܝܢܐܤ ܥܡ ܡܝܩܪܐ ܡܠܟܘ ܡܘܪܕ ܦܫ̮ܘܗܝ ܘܝܗܒܠܘܢ ܚܕ̄ ܫܘܦܪܐ ܘܐܝܩܪܐ ܩܐ ܐܗܐ ܫܘܬܦܘܬܐ ܘܡܛܝܒ̈ܐ ܝܗܘܘ ܩܘܪܒܐ 300 ܓܢ̈ܬܐ ܒܐܗܐ ܚܘܪܙܐ ܡܗܢܝܢܐ ܘܡܒܣܡܢܐ ܒܬܦܩܬܐ ܕܦܪ̈ܨܘܦܐ ܥܡܚܕ̈ܕܐ ܟܕ ܗܕܡܝ̈ܬܐ ܕܫܘܬܦܘܬܐ ܒܥܒܕܐ ܬܫܡܫܬܐ ܒܚܕ̄ ܠܒܐ ܚܕܝܐ ܘܒܐܝܩܪܐ ܩܐ ܟܠܝ̈ ܡܛܝܒ̈ܐ ܘܡܘܩܪܒܠܘܢ ܩܬ̈ܝ ܟ̮ܐܝ ܘܟܝ̈ܟܐ  ܟܕ ܥܠ ܟܠ ܚܕܐ ܛܒܠܬܐ( ܡܝܙ) ܬܗܪ̈ܐ ܕܛܥܘ̈ܢܝܬܐ . ܗܝܓܗܐ ܩܡܠܗ̇ ܡܝܩܪܬܐ  ܪܘܙܐ ܒܝܬ ܡܝܪܙܐ ܡܕܒܪܢܬܐ ܕܫܘܬܦܘܬܐ ܩܘܒܠܗ̇ ܩܐ ܟܠܝ̈  ܒܚܕ̄ ܚܘܒܐ ܘܐܝܩܪܐ ܪܒܐ ܘܡܘܚܙܝܠܗ̇ ܠܫܘ̈ܓܠܢܐ ܕܐܝܕܐ ܕܐܝܢܐ ܦܠܝܚ̈ܐ ܒܡܬܚܐ ܕܫܢܬܐ ، ܒܬܪ ܗܕܐ ܛܠܒܠܗ̇ ܡܢ ܚܣܝܘܬܗ ܡܪܝ ܬܐܘܡܐ ܪܫܐ ܕܡܪܥܝܬܐ ܕܗܡܙܡ ܩܐ ܟܢܫܐ .

ܡܪܝ ܬܐܘܡܐ ܒܚܕ ܡܡܠܐ ܟܪܝܐ ܘܣܩܝܠܐ ܘܡܠܝܢܐ ܛܥܢܗ ܡܢܬܐ ܡܢ ܟܠܝ̈ ܗܕܡܝ̈ܬܐ ܕܫܘܬܦܘܬܐ ܕܦܠܚܠܘܢ ܘܟ̮ܘܠܫܠܘܢ ܘܪܒܐ ܙܗܡ̈ܬܐ ܓܪܫܠܘܢ ܒܡܬܚܐ ܕܟܠܗ̈ ܫܢܬܐ، ܘܦܘܩܕܠܘܢ ܩܐ ܐܗܐ ܫܘܬܦܘܬܐ ܩܘܪܒܐ ܕܡܐܐ ܫܢ̈ܐ ܕܦܘܠܚܢܐ ܘܟ̮ܠܫܬܐ ܩܐ ܫܘܓ̄ܠܢ̈ܐ ܕܥܘܡܪܐ ܘܟܠܗ̇ ܩܢܝܬܐ ܕܟܐ ܩܢܝܐ ܠܗ̇ ܐܗܐ ܫܘܬܦܘܬܐ ܟܐ ܦܝܫܐ ܦܘ̈ܠܓ̄ܬܐ ܕܠܐ ܡܚܝܬܐ ܙܘܪܢܐ ܘܕܘܘܠܐ ܘܩܠܡܩܠ ܩܐ ܣܢܝܩ̈ܐ ܘܡܣܟܢ̈ܐ ܕܠܐ ܟ̮ܘ ܬܦܘܬ ܕܥܕܬܐ ܝܢ ܕܩܒܝܠܝܘܬܐ ، ܘܐܗܐ ܫܘܬܦܘܬܐ ܦܬܚܬܐ ܝܠܗ̇ ܓܢܘܗ̇ ܩܐ ܟܠܝ̈ ܟܪ̈ܣܛܝܢܐ . ܒܬܪ ܐܗܐ ܩܡܠܘܢ ܚܡ̈ܬܐ ܘܫܘܪܝܠܘܢ ܠܙܒܘܢܐ  ܠܛܪ̈ܝܐ ، ܫܘ̈ܓ̄ܠܢܐ ܕܐܝܕܐ ܐܝܟ ܚܠܝ̈ܦܐ ܕܠܩܛ̈ܐ ،ܚܠܝ̈ܦܐ ܕܩܝܛܐ، ܓ̮ܘ̈ܠܠܐ ܕܝ̈ܠܕ̈̄ܐ ܙܥܘܪ̈ܐ ܘܦܬ̈ܐ ܕܡܝܙ̈ܐ ܘܫܪܟܐ ... ܝܗܘܐ ܚܕ ܒܬܪ ܟܘܬܪܐ ܕܠܐ ܐܬܐ ܠܡܢܫܘܝܐ ܘܗܘܝ ܟܠܝ̈ ܒܣܝ̈ܡܐ .  

ܨܘܼܪ̈ܝܵܬܹܐ ܕܚܘܼܪܙܵܐ