imageImage

Image

Image

  • Calendar
  • Archive
  • Books
  • Multimedia
    • movie
    • movie
    • movie
  • Churches
    • SacredHeartofSalamas
    • StEphrimofZumallan
    • StGivargisofGolpashin
    • StKhannaofJamalAbad
    • StMaryofMavana
    • StMaryofSangar
    • StMaryofUrmi
    • StStMaryAda
    • StMaryGavilan
    • StYaghouofSalamas
  • Saints
  • Mischalleneous
  • News
    • WeeklyNews
    • ParishNews
    • SundayBulletin
    • SundayHomily
    • PopesMessage
  • aboutus
    • Ladies-Group
    • Rosary-Group
    • Sacred-Heart-Group
    • Adolescents-Group
    • Faith-Light-Group
    • contact
  • FirstPage
 

ܚܲܕܒܫܲܒܵܐ ܐ ܕܐܹܠܝܼܵܐ

ܬܸܢܝܵܢ ܢܵܡܘܿܣܵܐ ܘ: 20‐ ܙ: 6

ܬܸܒ݂ܘ ܘܲܫܠܵܘ ܬܸܢܝܵܢ ܢܵܡܘܿܣܵܐ ܣܸܦܪܵܐ ܕܚܲܡܫܵܐ ܕܐܘܿܪܵܝܬܵܐ: ܐܲܚܲܝ̈ ܒܲܪܸܟ݂ܡܵܪܝ܀

ܘܐ݇ܡܸܪܹܗ ܡܘܼܫܹܐ ܠܟܠܹܗ ܝܼܣܪܵܝܹܠ: ܐܸܢ ܒܲܩܸܪܘܼܟ݂ ܒܪܘܿܢܘܼܟ݂ ܡ݂ܢ ܩܵܝܕܲܡܬܵܐ: ܘܐܵܡܹܪ ܐܸܠܘܼܟ݂: ܡܘܼܕܝܼ ܝܠܵܗ̇ ܣܵܗܕܘܼܬܵܐ ܘܢܵܡܘܿܣܵܐ ܘܕܝܼܘܵܢ ܕܩܲܡ ܦܵܩܹܕܠܵܘܼܟ݂ܘܿܢ ܡܵܪܝܵܐ ܐܲܠܵܗܵܐ؟* ܐ݇ܡܘܿܪ ܠܒܪܘܿܢܘܼܟ݂: ܕܪܹ̈ܓܵܘܵܬܹܐ ܝܘܲܚ ܗܘܵܐ ܕܦܸܪܥܘܿܢ ܒܡܨܹܪܝܢ. ܘܩܲܡ ܦܲܠܸܛ ܠܲܢ ܡܵܪܝܵܐ ܡ݂ܢ ܡܸܨܪܹܝܢ ܒܐܝܼܕܵܐ ܚܲܝܠܵܢܬܵܐ: ܘܥܒ݂ܸܕܠܹܗ ܡܵܪܝܵܐ ܢܝܼܫܲܢܩܹ̈ܐ ܘܥܵܓ̰ܝܼܒܘܼܝܵܬܹ̈ܐ ܓܘܼܪܹ̈ܐ ܘܒܝܼܫܵܬܹ̈ܐ ܒܡܸܨܪܹܝܢ: ܒܦܸܪܥܘܿܢ ܘܒܟܠܹܗ ܒܲܝܬܹܗ ܩܵܕ݇ܡ ܥܲܝܢܲܝ̈ܢ* ܘܩܲܡ ܦܲܩܸܕܠܲܢ ܡܵܪܝܵܐ ܠܸܥܒ݂ܵܕܵܐ ܐܲܢܹܐ ܟܠܲܝܗܝ ܢܵܡܘܿܣܹ̈ܐ: ܠܸܙܕܵܥܵܐ ܡ݂ܢ ܩܵܕ݇ܡ ܡܵܪܝܵܐ ܐܲܠܵܗܲܢ: ܩܵܐ ܕܥܵܒ݂ܹܕ ܛܵܒ݂ܬܵܐ ܐܸܠܲܢ ܟܠܲܝܗܝ ܝܵܘܡܵܢܹ̈ܐ: ܘܡܲܚܹܐܠܲܢ ܐܲܝܟ݂ ܕܐܸܕܝܘܿܡ ܝܵܘܡܵܐ* ܘܙܲܕܝܼܩܘܼܬܵܐ ܒܸܕ ܗܵܘܝܵܐ ܠܲܢ ܐܝܼܡܲܢ ܕܢܛܸܪܲܢ ܘܥܒ݂ܸܕܠܲܢ ܟܠܹܗ ܐܵܗܵܐ ܦܘܼܩܕܵܢܵܐ ܩܵܕ݇ܡ ܡܵܪܝܵܐ ܐܲܠܵܗܵܐ ܐܲܝܟ݂ ܕܦܘܼܩܕܲܚ ܠܹܗ. ܘܐܝܼܡܲܢ ܕܩܲܡ ܡܲܥܒ݂ܸܪܘܼܟ݂ ܡܵܪܝܵܐ ܐܲܠܵܗܘܼܟ݂ ܠܐܲܪܥܵܐ ܕܥܵܒ݂ܪܸܬ ܠܸܪܝܵܬܵܗ̇: ܘܒܸܕ ܡܬܲܠܸܩ ܛܲܝܸܦܹ̈ܐ ܓܘܼܪܹ̈ܐ ܡ݂ܢ ܩܵܕ݇ܡܘܼܟ݂: ܚܸܬܵܝܹ̈ܐ: ܘܓܲܪ̈ܓܘܿܣܵܝܹܐ: ܘܐܵܡܘܿܪ̈ܵܝܹܐ: ܘܟܢܲܥܢܵܝܹ̈ܐ: ܘܦܲܪܙܵܝܹ̈ܐ: ܘܚܵܘܵܝܹ̈ܐ: ܘܝܵܒ݂ܘܿܣܵܝܹ̈ܐ: ܫܲܒ݂ܥܵܐ ܛܲܝܸܦܹ̈ܐ ܒܘܼܫ ܓܘܼܪܹ̈ܐ ܘܒܘܼܫ ܚܲܝܠܵܢܹ̈ܐ ܡܸܢܘܼܟ݂* ܘܒܸܕ ܣܲܦܹܐܠܗܘܿܢ ܡܵܪܝܵܐ ܐܲܠܵܗܘܼܟ݂ ܩܵܕ݇ܡܘܼܟ݂: ܘܒܸܕ ܡܲܝܬ݇ܝܼܬܘܿܢ ܠܗܘܿܢ: ܘܡܲܚܪܸܡܝܼܬܘܿܢ ܠܗ݇ܘܿܢ: ܘܠܵܐ ܡܲܩܸܡܝܼܬܘܿܢ ܥܲܡܲܝܗܝ ܩܵܘܠܵܐ: ܘܠܵܐ ܥܵܒ݂ܕܝܼܬܘܿܢ ܪ̈ܲܚܡܹܐ ܥܲܡܲܝܗܝ: ܘܠܵܐ ܥܵܒ݂ܕܝܼܬܘܿܢ ܚܸܬܢܘܼܬܵܐ ܥܲܡܲܝܗܝܨ ܒܢܵܬܵܘܟ݂ܘܿܢ ܠܵܐ ܝܵܗ݇ܒ݂ܝܼܬܘܿܢ ܩܵܐ ܒܢܘܿܢܲܝܗܝ̈: ܘܒܢܵܬ̈ܲܝܗܝ ܠܵܐ ܫܵܩܠܝܼܬܘܿܢ ܩܵܐ ܒܢܘܿܢܵܘ̈ܟ݂ܘܿܢ: ܕܠܵܐ ܡܲܩܠܸܒܝܼ ܠܒܢܘܿܢܵܘ̈ܟ݂ܘܿܢ ܡܸܢܝܼ: ܘܦܵܠܚܝܼ ܠܐܲܠܵܗܹ̈ܐ ܐ݇ܚܹܪ̈݇ܢܹܐ: ܘܚܵܝܡܵܐ ܟܲܪܒܹܗ ܕܡܵܪܝܵܐ ܥܲܠܵܘܟ݂ܘܿܢ ܘܬܲܠܸܩܠܵܘܟ݂ܘܿܢ ܓ̰ܲܠܕܹܐ: ܐܸܠܵܐ ܗܵܕܟ݂ܵܐ ܥܒ݂ܘܿܕܘܿܢ ܐܸܠܲܝܗܝ ܡܲܕܒܚܲܝܗܝ ܥܩܘܿܪܘܿܢ: ܩܲܝܸܡܝܵܬ̈ܲܝܗܝ ܫܡܘܿܛܘܿܢ: ܘܚܸܫܠܵܬ̈ܲܝܗܝ ܦܪܘܿܡܘܿܢ: ܘܓܠܝܼܦ̈ܲܝܗܝ ܡܲܩܕܘܿܢ ܒܢܘܼܪܵܐ* ܣܵܒܵܒ ܐܲܢ݇ܬ ܛܲܝܸܦܵܐ ܩܲܕܝܼܫܵܐ ܝܘܸܬ ܠܡܵܪܝܵܐ ܐܲܠܵܗܘܼܟ݂. ܘܐܸܠܘܼܟ݂ ܓܘܼܒܹܐ ܠܹܗ ܡܵܪܝܵܐ ܐܲܠܵܗܘܼܟ݂: ܕܗܵܘܹܝܬ ܐܸܠܹܗ ܛܲܝܸܦܵܐ ܡܘܼܚܸܒܵܐ ܡ݂ܢ ܟܠܲܝܗܝ ܛܲܝܸܦܹ̈ܐ ܕܥܲܠ ܦܵܬܵܐ ܕܐܲܪܥܵܐ܀

 

ܐܹܫܲܥܝܵܐ : ܠܐ: 1 ‐ ܫܘܼܠܵܡܵܐ

ܫܠܵܘ ܢܒ݂ܝܼܘܼܬܹܗ ܕܐܹܫܲܥܝܵܐ ܐܲܚܲܝ̈ ܒܲܪܸܟ݂ܡܵܪܝ܀

ܗܵܕܟ݂ܵܐ ܒܹܐܡܵܪܵܐ ܝܠܹܗ ܡܵܪܝܵܐ: ܘܵܝ ܠܐܵܢܝܼ ܕܒܸܨܠܵܝܵܐ ܝܢܵܐ ܠܡܸܨܪܹܝܢ ܠܸܦܝܵܫܵܐ ܗܘܼܝܸܪܹܐ: ܘܦܝܵܫܵܐ ܝܢܵܐ ܒܗܹܒ݂ܝܼ ܥܲܠ ܣܘܼܣܵܘܵܬܹ̈ܐ: ܘܥܲܠ ܟܵܠܸܣܟܹ̈ܐ: ܪܵܒܵܐ ܦܝܵܫܵܐ ܝܢܵܐ ܒܗܹܒ݂ܝܼ* ܘܥܲܠ ܪܵܟܵܒ݂ܹ̈ܐ ܪܵܒܵܐ ܙܲܚܡܹ̈ܐ: ܘܠܵܐ ܦܸܠܫܗܘܿܢ ܒܗܹܒ݂ܝܼ ܥܲܠ ܩܲܕܝܼܫܵܐ ܕܝܼܣܪܵܝܹܠ ܘܠܡܵܪܝܵܐ ܠܵܐ ܛܥܹܐܠܗܘܿܢ* ܘܒܚܸܟ݂ܡܬܹܗ ܡܘܼܬܹܐܠܹܗ ܒܝܼܫܬܵܐ: ܘܗܹܡܸܙܡܵܢܘܼܗܝ  ܠܵܐܒܘܼܛܸܠܹܗ: ܘܩܸܡܠܹܗ ܥܲܠ ܒܲܝܬܵܐ ܕܒܝܼܫܹ̈ܐ: ܘܥܲܠ ܗܲܝܲܪܬܵܐ ܕܥܵܒ݂ܕܵܢܹ̈ܐ ܕܥܵܘܠܵܐ* ܘܡܸܨܪ̈ܵܝܹܐ ܐ݇ܢܵܫܹ̈ܐ ܝܢܵܐ: ܘܠܹܐ ܝܢܵܐ ܐܲܠܵܗܹ̈ܐ: ܘܣܘܼܣܵܘܵܬ̈ܲܝܗܝ ܕܒܸܣܪܵܐ ܝܢܵܐ ܘܠܹܐ ܝܢܵܐ ܕܪܘܼܚܵܐ. ܘܡܵܪܝܵܐ ܒܸܕ ܡܲܟܸܦ ܐܝܼܕܹܗ: ܘܒܸܕ ܬܲܪܩܸܠ ܗܲܝܸܪܵܢܵܐ: ܘܒܸܕ ܢܵܦܹܠ ܐܘܼܦ ܗ̇ܘ ܕܦܵܐܹܫ ܗܘܼܝܸܪܵܐ: ܘܟܠܲܝܗܝ ܡܐܘܼܕܵܠܹܐ ܒܸܕ ܬܵܝܡܝܼ* ܣܵܒܵܒ ܕܗܵܕܟ݂ܵܐ ܐ݇ܡܸܪܹܗ ܐܸܠܝܼ ܡܵܪܝܵܐ: ܐܲܝܟ݂ ܕܓܲܪܓܸܡ ܐܲܪܝܵܐ ܘܓܘܼܪܝܵܐ ܕܐܲܪܝܵܐ ܥܲܠ ܕܗ̇ܘ ܡܸܢܕܝܼ ܕܦܵܪܹܛ: ܘܡܲܩܘܸܚܝܼ ܒܝܼܹܗ ܒܘܼܫܵܝܝܼ ܕܪ̈ܵܥܝܹܐ. ܘܡ݂ܢ ܩܵܠܲܝܗܝ ܠܹܐ ܙܵܕܹܥ ܘܡ݂ܢ ܒܘܼܫܵܝܘܼܬܲܝܗܝ ܠܹܐ ܫܵܥܹܫ. ܗܵܕܟ݂ܵܐ ܒܸܕ ܨܵܠܹܐ ܡܵܪܝܵܐ ܚܲܝܠܵܬ݇ܢܵܐ ܠܸܦܠܵܫܵܐ ܥܲܠ ܛܘܼܪܵܐ ܕܨܸܗܝܘܿܢ: ܘܥܲܠ ܪ̈ܘܼܡܝܵܬܵܗ̇* ܘܐܲܝܟ݂ ܨܸܦܪܹ̈ܐ ܕܦܵܪܚܝܼ ܗܵܕܟ݂ܵܐ ܒܸܕ ܨܵܠܹܐ ܡܵܪܝܵܐ ܚܲܝܠܵܬ݇ܢܵܐ ܥܲܠ ܐܘܿܪܸܫܠܸܡ: ܘܒܸܕ ܨܵܠܹܐ ܘܦܵܨܹܐ: ܘܚܵܠܹܨ ܘܗܲܝܸܪ* ܬܲܘܸܒܘܿܢ ܒܢܲܝ̈ ܝܼܣܪܵܝܹܠ ܕܥܒ݂ܸܕܠܵܘܟ݂ܘܿܢ ܡܵܪܘܿܕܘܼܬܵܐ* ܣܵܒܵܪ ܒܗ̇ܘ ܝܵܘܡܵܐ: ܒܸܕ ܡܲܣܠܝܼ ܐ݇ܢܵܫܹ̈ܐ ܨܵܢܲܡܹ̈ܐ ܕܕܲܗܒ݂ܵܐ ܘܕܣܹܐܡܵܐ ܕܬܘܼܪܸܨܠܗ݇ܘܿܢ ܐܝܼܕܵܬܵܘܟ݂ܘܿܢ ܩܵܐ ܚܛܝܼܬܵܐ* ܘܒܸܕ ܢܵܦܹܠ ܐܵܬܘܿܪܵܝܵܐ ܒܣܲܝܦܵܐ. ܠܵܐ ܣܲܝܦܵܐ ܕܐ݇ܢܵܫܹ̈ܐ ܘܠܵܐ ܣܲܝܦܵܐ ܕܓܲܢ݇ܒܵܪܹ̈ܐ ܒܸܕ ܐܵܟ݂ܹܠ ܠܹܗ: ܐܸܠܵܐ ܒܸܕ ܥܵܪܹܩ ܡ݂ܢ ܩܵܕ݇ܡ ܣܲܝܦܵܐ: ܘܓ̰ܘܲܢܩ̈ܘܼܗܝ ܠܢܝܼܫܲܢܩܵܐ ܕܓܹܐܪܹ̈ܐ ܒܸܕ ܗܵܘܝܼ* ܘܓܵܘ ܩܵܝܵܐ ܕܡܲܥܡܪܹܗ ܒܸܕ ܫܵܪܹܐ: ܘܒܸܕ ܦܵܝܫܝܼ ܫܡܝܼܛܹ̈ܐ ܓܘܼܪ̈ܵܢܘܼܗܝ ܡ݂ܢ ܢܝܼܫܲܢܩܵܐ ܒܹܐܡܵܪܵܐ ܝܠܹܗ ܡܵܪܝܵܐ ܕܢܘܼܪܹܗ ܒܨܸܗܝܘܿܢ: ܘܬܲܢܘܼܪܹܗ ܒܐܘܿܪܸܫܠܸܡ܀

ܐܸܓܲܪܬܵܐ ܕܦܵܘܠܘܼܣ ܫܠܝܼܚܵܐ ܠܟܸܣ ܬܸܣܵܠܘܿܢܝܼܩܵܝܹ̈ܐ ܐܲܚܘܿܢܘܵܬܝܼ ܒܲܪܸܟ݂ܡܵܪܝ

ܒ ܬܣܠ܂ ܐ܃ ܐ ‐ ܫܠܡ

ܦܵܘܠܘܿܣ ܘܣܸܠܘܵܢܘܿܣ ܘܛܝܼܡܵܬܹܐܘܿܣ، ܠܥܹܕܬܵܐ ܕܬܹܣܵܠܘܿܢܝܼܩܵܝܹ̈ܐ ܕܒܐܲܠܵܗܵܐ ܒܵܒܲܢ ܘܡܵܪܲܢ ܝܑܼܫܘܿܥ ܡܫܝܼܚܵܐ، ܪ̈ܲܚܡܹܐ ܘܫܠܵܡܵܐ ܐܸܠܵܘܟ݂ܘܿܢ ܡ̣ܢ ܐܲܠܵܗܵܐ ܒܵܒܵܐ ܘܡ̣ܢ ܡܵܪܲܢ ܝܑܼܫܘܿܥ ܡܫܝܼܚܵܐ܂ ܘܵܠܹܐ ܝ݇ܠܵܗ݁ ܠܫܲܟܘܿܪܹܐ ܠܐܲܠܵܗܵܐ ܒܟܠ ܙܲܒ݂ܢܵܐ ܒܘܼܬ ܕܝܼܵܘܟ݂ܘܿܢ ܐܲܚܘܿܢܘܵܬܹ̈ܐ، ܐܲܝܟ݂ ܕܝܼܠܵܗ݁ ܚܫܝܼܚܬܵܐ، ܣܵܒܵܒ ܗܲܝܡܵܢܘܼܬܵܘܟ݂ܘܿܢ ܒܸܙܝܵܕܵܐ ܝ݇ܠܵܗ݁ ܪܵܒܵܐ، ܘܚܘܼܒܵܐ ܕܟܠ ܚܲܕ݇ ܡܸܢܵܘܟ݂ܘܿܢ ܓܲܪܘܘܼܣܹܐ ܝ݇ܠܹܗ، ܚܲܕ݇ ܠܟܸܣ ܕܗ݁ܘ ܐ݇ܚܹܪ݇ܢܵܐ܂ ܗܵܕܟ݂ܵܐ ܕܐܲܚܢܲܢ ܒܓܵܢܲܢ ܐܝܼܬܠܲܢ ܫܘܼܒ݂ܗܵܪܵܐ ܒܝܼܵܘܟ݂ܘܿܢ ܓܵܘ ܥܹܕܵܬܹ̈ܐ ܕܐܲܠܵܗܵܐ ܒܘܼܬ ܚܡܵܠܬܵܘܟ݂ܘܿܢ ܘܗܲܝܡܵܢܘܼܬܵܘܟ݂ܘܿܢ ܓܵܘ ܟܠܵܝ ܟܲܡܵܪ̈ܝܵܬܵܘܟ݂ܘܿܢ ܪ̈ܕܘܼܦܝܵܘܟ݂ܘܿܢ ܘܐܘܼܠܨܵܢܵܘ̈ܟ݂ܘܿܢ ܕܒܸܚܡܵܠܵܐ ܝ݇ܬܘܿܢ، ܐܵܗܵܐ ܡܲܚܙܘܼܝܹܐ ܝ݇ܠܵܗ݁ ܕܕܝܵܢܬܵܐ ܕܐܲܠܵܗܵܐ ܫܲܪܝܼܪܬܵܐ ܝ݇ܠܵܗ݁، ܕܚܵܫܚܝܼܬܘܿܢ ܠܡܲܠܟܘܼܬܵܐ ܕܐܲܠܵܗܵܐ، ܗ݁ܝ ܕܒܘܼܬ ܕܝܼܘܿܗ̇ ܓ̰ܲܢܓ̰ܘܼܪܹܐ ܝ݇ܬܘܿܢ܂ ܐܲܠܵܗܵܐ ܫܲܪܝܼܪܵܐ ܝ݇ܠܹܗ، ܘܗ݁ܘ ܒܸܕ ܦܵܪܹܥ ܐܘܼܠܨܵܢܹ̈ܐ ܠܐܵܢܝܼ ܕܡܲܠܝܘܼܨܵܘܟ݂ܘܿܢ ܝܼܢܵܐ، ܘܐܸܠܵܘܟ݂ܘܿܢ ܕܝܼܬܘܿܢ ܡܘܼܠܝܸܨܸܐ، ܒܸܕ ܝܵܗ݇ܒ݂ܸܠ ܢܝܵܚܵܐ ܥܲܡܲܢ، ܐܝܼܡܲܢ ܕܦܵܐܹܫ ܓܸܠܝܵܐ ܡܵܪܲܢ ܝܑܼܫܘܿܥ ܡ̣ܢ ܫܡܲܝܵܐ ܥܲܡ ܡܲܠܲܐܟ݂̈ܘܼܗܝ ܚܲܝܠܵܢܹ̈ܐ܂ ܒܠܵܗܵܐ ܕܢܘܼܪܵܐ ܒܸܕ ܫܵܩܹܠ ܬܘܼܥܠܵܐ ܡ̣ܢ ܐܵܢܝܼ ܕܠܹܐ ܝܵܕܥܝܼ ܠܐܲܠܵܗܵܐ ܘܐܵܢܝܼ ܕܠܹܐ ܡܲܨܝܸܬܝܼ ܠܐܹܘܲܢܓܵܠܝܼܘܿܢ ܕܡܵܪܲܢ ܝܑܼܫܘܿܥ܂ ܐܲܢܹܐ ܒܸܕ ܦܵܝܫܝܼ ܕܝܼܢܹܐ ܒܛܠܵܩܵܐ ܐܵܒܵܕܝܼܢܵܝܵܐ ܡ̣ܢ ܩܲܕ݇ܡ ܦܵܬܵܐ ܕܡܵܪܲܢ، ܘܡ̣ܢ ܚܸܩܪܵܐ ܕܚܲܝܠܘܼܗܝ، ܒܗ݁ܘ ܝܵܘܡܵܐ ܐܝܼܡܲܢ ܕܐܵܬܹܐ ܩܵܐ ܕܦܵܐܹܫ ܚܩܝܼܪܵܐ ܓܵܘ ܩܲܕܝܼܫܘܼܗܝ، ܘܩܲܒܸܠ ܥܘܼܓ̰ܵܒܵܐ ܡ̣ܢ ܟܠܵܝ ܕܐܵܢܝܼ ܕܗܘܼܡܸܢܘܿܢ، ܣܵܒܵܒ ܗܘܼܡܸܢܵܘܟ݂ܘܿܢ ܠܣܵܗܕܘܼܬܲܢ܂ ܒܘܼܬ ܐܵܗܵܐ ܐܲܡܝܼܢܵܐܝܼܬ ܟܹܐ ܗܵܘܲܚ ܨܲܠܘܼܝܹܐ ܒܘܼܬ ܕܝܼܵܘܟ݂ܘܿܢ، ܩܵܐ ܕܗܵܘܹܝܬܘܿܢ ܚܫܝܼܚܹܐ ܠܓܲܒܵܝܬܵܐ ܕܐܲܠܵܗܲܢ، ܘܡܲܟܡܸܠ ܒܝܼܵܘܟ݂ܘܿܢ ܒܚܲܝܠܘܼܗܝ ܟܠ ܢܝܼܫܵܐ ܨܦܵܝܝܼ ܠܛܵܒ݂ܬܵܐ ܘܠܦܘܼܠܚܵܢܵܐ ܕܗܲܝܡܵܢܘܼܬܵܐ܂ ܗܵܕܟ݂ܵܐ ܩܵܐ ܕܫܸܡܵܐ ܕܡܵܪܲܢ ܝܑܼܫܘܿܥ ܦܵܐܹܫ ܚܩܝܼܪܵܐ ܒܝܼܵܘܟ݂ܘܿܢ، ܘܐܲܚܬܘܿܢ ܒܝܼܘܼܗܝ، ܐܲܝܟ݂ ܛܲܝܒܘܼܬܵܐ ܕܐܲܠܵܗܲܢ ܘܡܵܪܲܢ ܝܑܼܫܘܿܥ ܡܫܝܼܚܵܐ܂  

ܠܘܼܩܵܐ 18: 35‐19: 10

ܐܘܢܓܠܝܘܢ ܩܕܝܫܐ ܕܡܪܢ ܝܫܘܥ ܡܫܝܚܐ ܟܪܘܙܘܬܐ ܕܠܘܩܐ

            ܘܟܲܕ ܩܘܼܪܒܸܢܹܗ ܝܑܼܫܘܿܥ ܠܐܝܼܪܝܼܚܘܿ، ܚܲܕ݇ ܣܸܡܝܵܐ ܝ݇ܬܝܼܒ̣ܵܐ ܗ݇ܘܵܐ ܥܲܠ ܡܲܪܙܵܐ ܕܐܘܼܪܚܵܐ ܘܒܸܓܒ̣ܵܝܵܐ. ܘܫܡܸܥܠܹܗ ܩܵܠܵܐ ܕܟܸܢܫܵܐ ܒܸܥܒ̣ܵܪܵܐ. ܘܒܘܼܩܸܪܹܗ: ܡܵܢܝܼ ܝܠܹܗ ܐܵܗܵܐ؟ ܐ݇ܡܸܪܘܿܢ ܐܸܠܹܗ: ܝܑܼܫܘܿܥ ܢܵܨܪܵܝܵܐ ܒܸܥܒ̣ܵܪܵܐ ܝܠܹܗ. ܘܡܘܼܩܘܸܚܠܹܗ ܘܐ݇ܡܸܪܹܗ: ܝܑܼܫܘܿܥ ܒܪܘܿܢܵܐ ܕܕܵܘܝܼܕ، ܪܲܚܸܡ ܥܲܠܝܼ. ܘܐܵܢܝܼ ܕܒܹܐܙܵܠܵܐ ܗ݇ܘܵܘ ܩܵܕ݇ܡ ܝܑܼܫܘܿܥ ܢܓ̰ܸܒ̣ܠܘܿܢ ܒܝܼܹܗ ܕܫܵܬܹܩ. ܐܝܼܢܵܐ ܗ̇ܘ ܒܘܼܫ ܙܵܘܕܵܐ ܡܲܩܘܘܼܚܹܐ ܗ݇ܘܵܐ: ܒܪܘܿܢܵܐ ܕܕܵܘܝܼܕ ܪܲܚܸܡ ܥܲܠܝܼ. ܘܟܠܹܐܠܹܗ ܝܼܫܘܿܥ، ܘܦܩܸܕܠܹܗ ܕܡܲܝܬ݇ܝܼܠܹܗ ܠܟܸܣܠܹܗ. ܘܟܲܕ ܩܘܼܪܒܸܢܹܗ، ܒܘܼܩܸܪܹܗ ܡܸܢܹܗ ܘܐ݇ܡܸܪܹܗ ܐܸܠܹܗ: ܡܘܼܕܝܼ ܒܵܥܹܬ ܕܥܵܒ̣ܕܸܢ ܐܸܠܘܼܟ݂؟ ܐ݇ܡܸܪܹܗ: ܡܵܪܝܼ، ܕܚܵܙܸܢ. ܘܐ݇ܡܸܪܹܗ ܐܸܠܹܗ ܝܑܼܫܘܿܥ: ܚܙܝܼ. ܗܲܝܡܵܢܘܼܬܘܼܟ݂ ܩܲܡ ܡܲܚܝܼܵܐܠܘܼܟ݂. ܘܒܗ̇ܝ ܥܕܵܢܵܐ ܚܙܹܐܠܹܗ. ܘܐ݇ܬܹܐܠܹܗ ܒܵܬ݇ܪܹܗ ܘܫܲܒܘܼܚܹܐ ܠܐܲܠܵܗܵܐ. ܘܟܠܹܗ ܥܲܡܵܐ ܕܚܙܹܐܠܹܗ ܫܘܼܒܸܚܠܘܿܢ ܠܐܲܠܵܗܵܐ .

ܘܟܲܕ ܥܒܸܪܹܗ ܝܑܼܫܘܿܥ ܡ̣ܢ ܓܵܘ ܐܝܼܪܝܼܚܘܿ، ܚܲܕ݇ ܓܲܒ̣ܪܵܐ ܫܸܡܹܗ ܙܲܟܲܝ، ܥܲܬܝܼܪܵܐ ܗ݇ܘܵܐ، ܘܓܘܼܪܵܐ ܕܡܵܟ̣ܣܹ̈ܐ. ܘܒܵܥܹܐ ܗ݇ܘܵܐ ܕܚܵܙܹܐ ܠܝܼܫܘܿܥ ܡܵܢܝܼ ܝܠܹܗ، ܐܝܼܢܵܐ ܠܹܐ ܡܵܨܹܐ ܗ݇ܘܵܐ ܡ̣ܢ ܟܸܢܫܵܐ، ܣܵܒܵܒ ܒܩܘܼܡܬܐܵ ܟܸܪܝܵܐ ܗ݇ܘܵܐ ܙܲܟܲܝ. ܘܪܚܸܛܠܹܗ ܡ̣ܢ ܩܵܕ݇ܡ ܕܡܵܛܹܐ ܗ݇ܘܵܐ ܝܑܼܫܘܿܥ، ܘܐ݇ܣܸܩܠܹܗ ܠܚܲܕ݇ ܐܝܼܠܵܢܵܐ ܕܬܹܐܢܵܐ ܚܲܪܵܫܬܐܵ ܕܚܵܙܹܐܠܹܗ. ܣܵܒܵܒ ܡ̣ܢ ܬܵܡܵܐ ܒܸܬ ܥܵܒܸܪ ܗ݇ܘܵܐ (ܝܑܼܫܘܿܥ). ܘܐܝܼܡܲܢ ܕܐ݇ܬܹܐܠܹܗ (ܝܑܼܫܘܿܥ) ܠܗ̇ܝ ܕܘܼܟܬܐܵ، ܚܙܹܐܠܹܗ ܐܸܠܹܗ، ܘܐ݇ܡܸܪܹܗ ܐܸܠܹܗ: ܡܲܠܝܸܙ ܨܠܝܼ، ܙܲܟܲܝ، ܣܵܒܵܒ ܘܵܓ̰ܸܒ ܝܠܵܗ̇ ܐܸܕܝܘܿܡ ܕܓܵܘ ܒܲܝܬܘܼܟ݂ ܗܵܘܸܢ. ܘܡܘܼܠܝܸܙܠܹܗ ܨܠܹܐܠܹܗ، ܘܩܘܼܒܸܠܹܗ ܐܸܠܹܗ ܒܚܲܕܘܼܬܵܐ. ܘܟܲܕ ܚܙܹܐܠܘܿܢ ܟܠܵܝ، ܛܘܼܪܛܸܡܠܘܿܢ ܘܐ݇ܡܸܪܘܿܢ: ܠܟܸܣ ܓܲܒ̣ܪܵܐ ܚܲܛܵܝܵܐ ܥܒܸܪܹܗ ܫܪܹܐܠܹܗ. ܐܝܼܢܵܐ ܙܲܟܲܝ ܟܠܹܐܠܹܗ ܘܐ݇ܡܸܪܹܗ ܠܝܼܫܘܿܥ: ܗܵܐ ܡܵܪܝܼ، ܦܲܠܓܵܐ ܕܡܸܢܕܝܼܝܼ ܒܸܬ ܝܵܗܒܸܢ ܠܡܸܣܟܹܢܹ̈ܐ. ܘܠܟܠ ܐ݇ܢܵܫܵܐ ܡܸܢܕܝܼ ܕܫܩܝܼܠܹܗ ܝܘܸܢ ܒܚܲܪܵܡܘܼܬܐܵ، ܚܲܕ݇ ܒܐܲܪܒܥܵܐ ܒܸܬ ܦܵܪܥܸܢܹܗ. ܐ݇ܡܸܪܹܗ ܐܸܠܹܗ ܝܑܼܫܘܿܥ: ܐܸܕܝܘܿܡ ܗ݇ܘܹܐܠܘܿܢ ܚܲܝܹ̈ܐ ܠܐܵܗܵܐ ܒܲܝܬܐܵ. ܣܵܒܵܒ ܐܘܼܦ ܐܵܗܵܐ ܒܪܘܿܢܵܐ ܕܐܲܒ̣ܪܵܗܵܡ ܝܠܹܗ. ܣܵܒܵܒ ܒܪܘܿܢܵܐ ܕܐ݇ܢܵܫܵܐ ܐ݇ܬܹܐܠܹܗ ܕܛܵܥܹܐ ܘܡܲܚܹܐ ܠܗ̇ܘ ܕܛܠܝܼܩܵܐ ܗ݇ܘܵܐ . ܀